【澳門】消費獎賞結束滿月 中小企叫苦

消費獎賞計劃，去到今年六月底就完咗喇，到而家啱啱好一個月。

有新聞報導話，中小企商戶開始叫晒救命，生意跌得好甘，內容如下：
🔹 髮型屋
老細話，之前全靠個計劃頂住吓，一完咗生意即刻跌超過五成。業主仲要加租，搞到佢哋要搬舖，真係百上加斤。

🔹 餐飲店
而家銀行借錢難咗，審批又慢，如果政府唔幫手協調吓，中小企都好難捱。佢仲話唔一定要派消費券，但搞吓啲立減優惠都好吖，起碼帶動返少少內需。

🔹 超市
而家啲澳門人收工就衝晒上珠海，因為嗰邊啲商場又大又靚，仲成日有支付平台優惠，搞到佢哋生意比消費獎賞嗰陣跌咗三到五成。

最後佢哋都希望政府睇吓個市況，快啲推出新一輪嘅消費刺激措施。
*Source: 澳門日報

講真，而家做生意真係好難，有優惠就短暫刺激一下，冇優惠就即刻市淡。