📅 發佈日期：01/09/2026
面試接近尾聲，所有問題我對答如流。我以為大局已定，準備傾人工。
點知HR望一望我，開口：「如果人工低10%，你會唔會考慮？」
我快快口咁答：「比期望薪金低10%？咁咪同我依家人工差唔多？」
佢即刻糾正：「唔係，係比你依家人工低10%。」
我當場呆咗。期望薪金一早寫咗喺上面，你哋叫得我嚟見，即係接受到個 range。而家見完先嚟同我講要減多10%？即係見完覺得我唔值？
我塊面即時黑過鑊底。雙手按住枱面，準備起身走人——冇謂再嘥時間。
「你可以還價㗎。」HR突然出聲。
我心諗：大佬，還咩價呀？唔好攪到咁 cheap 啦。我開嗰個數，已經係市場合理價，仲要減我10%？仲要話「可以還價」——即係一開始就預咗同我講價?既然俾唔到，就唔好叫我嚟見，浪費我半日假，仲要貼埋車錢。你當係街市買餸呀？
我企返起身，攞起個袋：「唔使喇，你哋留返個 budget 請第二個啦。」
*以上內容整理自網絡討論，僅供參考