有次去面試，HR突然問我：「你仲有冇其他面試呀？」咁其實當日我真係有，所以老實答：「有呀。」
點知佢即刻彈起：「吓？嚟我哋公司仲去其他地方？」
嗰下我心諗，喂，大佬，你又未請我喎，我去面試第二份工有咩問題？
於是我頂返一句：「咁你係咪請我？如果係，我可以即刻取消另一場。」
HR愣咗兩秒，笑笑口話：「唔得喎，仲有幾個人要見，未有決定。」
我再借題發揮：「咁即係點呀？你都仲搵梗其他人啦！」
講完都知自己條路玩完，不過唔咁爆一爆，真係吞唔落口氣。
