平時我一講想放 AL，老細就即刻擺樣：「你放假啲嘢邊個頂呀？而家咁多工作，你走開一下都唔得啦。」
講到好似我放一日假，公司就會倒閉咁。
AL 由頭拖到尾，想用又用唔到。
去到年底 HR 同我講：「你仲有10日 AL 未放呀。」
我愣咗一秒，未開口，老細即刻接：「仲有咁多？你做乜唔放呀？做人要好好享受生活㗎！」
嗰刻我真係想翻白眼——平時唔俾放，依家又怪我唔識享受生活，究竟想點啊？
我試吓問：「咁我下星期放幾日？」
老細面色即刻變咗：「下星期唔得喎，啲嘢咁多，你走開幾日點搞？」
呢一刻，我好想爆~~
