【澳門】網上熱話 - 上FB投訴係最快

說話所有投訴，經Facebook 係最快㗎！ 所以試一下

預約時間係10:00，已經等咗兩個鐘，都唔緊要，問題嚟啦！ 對面坐住3個大人1個細路，一嚟到就捉住個護士問：「細路仲要返學，拿拿淋睇咗佢先！」 護士答：「得得得，等醫生返嚟就會叫你入去啦！」 我望到佢哋張預約單係11:00，即係點啊？

因為識得所以可以優先？ 下一個應該到我㗎，佢一叫名係叫咗個細路，我就即刻入去問點解？ 個個都係要等㗎啦！ 個醫生同護士就話細路優先，我就話： 得佢哋有細路啊？ 我拖住個差唔多80歲嘅老人家就該讓？ 之後好快就叫我哋入去啦！

成個過程，醫生好似文盲咁，問我醫療報告講咩？ 點解會轉介過嚟？ 本身有冇咩病？ 大佬啊！ 我識㗎，我仲使乜過嚟等咁耐啊？ 個護士態度極差， 醫生又全程冇戴口罩！

到最後我再問， 點解唔係跟預約單時間？ 可以打尖？佢哋就話： 細路比較緊急， 4歲係可以優先處理！ 緊急？ 排專科門診？ 預約？ 最後個護士仲加多句：你要投訴㗎，可以去公共關係科。 好～email、打電話、寫信，我一件都唔會漏！ 落到地下先發現有張藥單， 真係醫生講都冇講過有開藥。 亦冇講過係咩藥，你哋太優秀啦！

已經立即申請轉醫生！ 不喜勿插， 原意就係要投訴得到回應

Source: FB截圖