開會有好主意時 閉嘴有時比發言更聰明 #職場見聞

開會時，老闆問：「有冇人有新諗法？」

我腦入面已經想到一套方案，成件事即刻可以推動，但我沒有開口。

經過多年經驗的我，如果一開口，老闆多數都會講，呢個idea有得諗。之後就不斷讚我醒之類，一論OK後，此項任務交比你吧。但公司預算呀，人手呀，都好緊張，要辛苦吓你啦。如是者老闆笑笑口咁，散會!

我就會好後悔，工作量增加，但一有咩閃失，第一個被問責一定係我。

「你提出㗎嘛。」

「你最熟個concept。」

「你跟開，唔係你做邊個做？」

責任就實實在在落到我日常，仲要自己諗方法頂住資源不足。到最後項目完成，老闆喺大會上多謝「團隊努力」，而我只係其中一名。

慢慢地，我學精咗。

開會時，老闆再問：「有冇人有新諗法？」，我開始靜落嚟，時而裝著想問題，和其他同事一樣，比著誰先開口。

我唔再急住搶答，只係聽、記、觀察。等有人講咗個半成品，我先輕輕補一句：「呢個方向好似可行，不過要留意人手同時間。」講到為止，唔多，唔少。

當然，有些功我也會去拿，但一定要想清楚是否值得出聲，因為有些任務只有苦，沒有勞，閉嘴有時比發言更聰明。