口快快鬧同事 同事原地步操冷靜 #職場見聞

公司啱啱請咗個新人，主管就叫我指導吓佢。本身都多野做，聽完個心即刻沉咗一吓，而家又要教埋新人，其實都幾唔願意，但無計，只有頂硬上。

點知新人做野又唔太聰明，要教好多次，咩都問。但明明只係跟住流程做，都可以做得唔好。咁我自已心情又不太好，又口快快講咗: "咁簡單都唔識…你係咪未瞓醒？"，之後新人突然彈起身，面無表情，開始原地步操，係咁講"1、2、1、2、"

全office人嚇一嚇。我心諗，呢次奶野.... 發生咩事，之後約30秒左右，佢又扮無野。我即刻講咗句，你自己試下先，慢慢黎.。之後我返自己位冷靜，係咪要同佢道歉?

最後，中午約佢食飯，講番聲唔好意思，剛才語氣重咗。之後大家又好似無野。

事後諗番，其實佢突然步操會唔會係想令自己冷靜？

如果佢唔咁做……會唔會突然打我？諗起都驚...算啦，下次真係唔好再口快快，經一事，長一智。