我喺同一間公司做咗十年，由新人捱到而家。懷孕嗰陣，我唔放心，產假都照樣喺屋企幫手處理文件、覆email，驚一停就比人取代。
結果到BB仲未滿一歲，公司以無理理由解僱我。我聽到嗰刻，成個人呆咗。十年嘅努力、忠誠、甚至產假都唔敢真正休息，最後換嚟呢個結果。
我拎住個信封返屋企，望住BB瞓喺床上，我心入面好徬徨。咁樣仲點叫人「鼓勵生育」，生完BB就比人炒。呢個社會，好似只欣賞肯捱、肯犧牲嘅人，卻唔會真心保護佢哋。
究竟係我太天真，定係呢個世界太現實。十年嘅打拼，換唔到一份保障，只剩下無奈同心灰。
