八號風球下 公司要我照樣返工 #職場見聞

八號風掛起，全城巴士停頓。我心諗好唔容易可以抖一抖，點知老闆電話即刻打嚟：「你行幾條街就返到Office，咁都唔返嚟？我住氹仔都到咗喇！其他同事要搭車就無得講姐。」

聽到呢句，我啞口無言。原來住得近唔係方便，係一種「原罪」。風再大、雨再密，都唔係理由；因為近，就等於無藉口。

我望住窗外狂風大雨，心裏面只得一個念頭——打風同我已經無關，返工變咗必須。明明應該係安全至上，但到最後，卻變成咗一場地理位置嘅「不公平」。

我苦笑，拎起雨傘，現在起，八號風，只係多咗幾陣風雨嘅返工日。

【在此多謝】所有喺風球下仍然堅守崗位嘅人，都辛苦晒。